ភ្នំពេញ៖ទីតាំងល្បែងស៊ីសងខុសច្បាប់ បញ្ជល់មាន់ តាមទូរទស្សន៍ និងឆ្នោតឡូតូ ប្រភេទអនឡាញ នៅសង្កាត់ក្បាលកោះខណ្ឌច្បារអំពៅ រាជធានីភ្នំពេញ កំពុងតែបន្តបើកដំណើរការបានដោយរំភើយ មិនខ្វល់ពីប្រសាសន៍របស់សម្តេចតេជោ ហ៊ុន សែន នាយករដ្ឋមន្រ្តីនឹងបទបញ្ជាសម្តេច ក្រឡាហោម ស ខេ។
ប្រភពព័ត៌មានបានឱ្យដឹងថា ទីតាំងល្បែងស៊ីសងខុសច្បាប់ខាងលើនេះ ត្រូវបានសមត្ថកិច្ចចុះធ្វើកិច្ចសន្យាម្តងហើយ តែមិនបាន២៤ម៉ោងស្រួលបួងផង បែរជាមកបន្តបើកដំណើរការទទួលឱ្យអ្នកញៀនល្បែងប្រមូលផ្តុំគ្នាចូលលេងយ៉ាងអនាធិបតេយ្យទៅវិញ។
មហាជនលើកឡើងថាករណីនេះលោក ម៉ៅ សឿត អធិការនគរបាលខណ្ឌច្បារអំពៅ ហើយនិងលោក ចេង មុន្នីរ៉ា អភិបាលខណ្ឌច្បារអំពៅ ដែលជាមន្ត្រីដុះស្លែគួរតែមានវិធានការទប់ស្កាត់ជាបន្ទាន់បន្ថែមទៀត បើពុំដូច្នោះទេ ចោរលួច ចោរប្លន់ កើនឡើងជាលំដាប់ជាមិនខាន ដោយសារតែការព្រងើយកន្តើយរបស់អស់លោក។
មហាជនក៏បានស្នើសុំដល់ឯកឧត្តម ឃួង ស្រេង អភិបាលរាជធានីភ្នំពេញ និងឯកឧត្តម ស ថេត ស្នងការនគរបាលរាជធានីភ្នំពេញ សូមជួយចេញបញ្ជាបន្ថែមទៅដល់ថ្នាក់ក្រោម កុំឱ្យបណ្តោយបែបនេះទៀត គួរតែចាត់វិធានការក្តៅចំពោះម្ចាស់ទីតាំងដែលផ្តល់ជំម្រកឱ្យអ្នកញៀនល្បែង។(នៅមានត)
ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់សមត្ថកិច្ចពាក់ពន្ធ័ នឹងម្ចាស់ទីតាំងរៀងរាល់ម៉ោងធ្វើការ ដើម្បីឆ្លុះបញ្ចាំងពីការពិត សុក្រឹតនិងយុត្តិធម៌តែប៉ុណ្ណោះ សូមអរគុណ!!!
