ចេញផ្សាយថ្ងៃចន្ទ ទី៥ ខែធ្នូ ឆ្នាំ២០២២
ខេត្តកណ្ដាល៖តាមប្រភពព័ត៌មានបានអោយដឹងថា៖មានទីតាំងល្បែងស៊ីសងបញ្ជល់មាន់ តាមអនឡាញមួយកន្លែង ស្ថិតនៅតាមបណ្តោយផ្លូវលំ ឃុំព្រែកគយ ស្រុកស្អាង ខេត្តកណ្តាល កំពុងតែបង្ករបើកលេងយ៉ាងគឃ្លើន ដោយមិនខ្វល់ពីអនុសាសន៍របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
យោងតាមរូបភាពក្រុមការងារអ្នកសារព័ត៌មានយើងថតបាននៅថ្ងៃទី ០២ ខែវិច្ឆិកាឆ្នាំ ២០២២ បានបញ្ជាក់យ៉ាងច្បាស់ថា នាពេលខាងមុខនិងក្លាយជាតំបន់អសន្តិសុខដោយហេតុថា ទីណាមានល្បែងស៊ីសងទីនោះនឹងក្លាយជាកន្លែងកើតអំពើហិង្សាក្នុងគ្រួសារ មានចោលួច ចោប្លន់ ចោឆក់ជាដើម។
បើយោងតាមឯកសារគោលនយោបាយភូមិឃុំសង្កាត់មានសុវត្ថិភាពទាំង ៧ ចំណុចនិងសេចក្តីសម្រេចស្ដីពីការបង្កើតក្រុមការងារបង្ក្រាបការលេងល្បែងស៊ីសងខុសច្បាប់គ្រប់ប្រភេទ របស់រាជរដ្ឋាភិបាល លេខ ៦២ ស.ស.រ ចុះថ្ងៃទី ១៦ ខែកញ្ញា ឆ្នាំ ២០២២ ធ្វើអោយប្រជាពលរដ្ឋមានភាពកក់ក្តៅ និងសូមគាំទ្រយ៉ាងពេញទំហឹង តែយ៉ាងណាមិញ បនល្បែងមួយចំនួននៅតែបន្តបើកលេងធ្វើព្យុះធ្វើភ្លៀង។
ពាក់ពន្ធ័នឹងល្បែងសុីសងខាងលើ ប្រជាពលរដ្ឋស្នើសុំដល់លោក វរសេនីយ៍ឯក រស់ ចន្ថា អធិការស្រុកនឹងលោកលោក ជឺ គីមហៃ អភិបាល នៃគណៈអភិបាលស្រុកស្អាង មេត្តាមានវិធាការទប់ស្កាត់ទីតាំងល្បែប្រជល់មាន់តាមអនឡាញនេះផងទាន។
ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់សមត្ថកិច្ចពាក់ពន្ធ័ នឹងម្ចាស់ទីតាំងរៀងរាល់ម៉ោងធ្វើការ ដើម្បីឆ្លុះបញ្ចាំងពីការពិត សុក្រឹតនិងយុត្តិធម៌តែប៉ុណ្ណោះ សូមអរគុណ!!!
