ចេញផ្សាយថ្ងៃសៅរ៍ទី៣ ខែសីហាឆ្នាំ២០២២
ខេត្តកំពត៖បងប្អូនប្រជាពលរដ្ឋដែលគាត់ស្អប់ខ្ពើមនៅល្បែងសុីសង បានស្នើសុំដល់លោកវរសេនីយ៍ទោ សេង សុគន្ធចាត់ អធិការស្រុកកំពង់ត្រាចមេត្តាមានចំណាត់ការទប់ស្កាត់ទីតាំងល្បែងសុីសងខុសច្បាប់ប្រជល់មាន់អនឡាញតាមកញ្ចក់ទូរទស្សន៍ បង្កប់ក្នុង ផ្ទះលក់អីវ៉ាន់ចាប់ហួយឈ្មោះ គីម សាឡី ក្នុងឃុំអង្គសុភី ស្រុកកំពង់ត្រាចខេត្តកំពតតាមបណ្តោយផ្លូវជាតិលេខ៣១ផងទានដើម្បីឲ្យស្របតាម គោលនយោបាយភូមិ ឃុំ សង្កាត់មានសុវត្ថិភាព ទាំង៧ចំណុចរបស់រាជរដ្ឋាភិបាល ដាក់ចុះអោយក្រសួងមហាផ្ទៃអនុវត្ត ។
ប្រភពដដែលបន្តថា ពួកគាត់ដូចជាអស់សង្ឃឹមទៅលើសមត្ថកិច្ចក្នុងមូលដ្ឋានរបស់ពួកគាត់ ដែលបណ្តែតបណ្តោយអោយក្រុមហ៊ុនល្បែងសុីសងប្រជល់មាន់អនឡាញបង្កើតទីតាំងល្បែងសុីសងក្នុងតំបន់របស់ពួកគាត់។ប្រជាពលរដ្ឋស្នើសុំយ៉ាងទទូចដល់លោកវរសេនីយ៍ទោ សេង សុគន្ធចាត់ អធិការស្រុកកំពង់ត្រាចនឹង
លោក ឧត្ដមសេនីយ៍ទោ ម៉ៅ ចន្ទ័មធុរិទ្ធ ស្នងការខេត្តកំពត ដែលលោកតែងតែគិតគូរពីសុខទុក្ខប្រជាពលរដ្ឋ មេត្តាចាត់កម្លាំងជំនាញចុះពិនិត្យនឹងបង្ក្រាប់ទីតាំងល្បែងសុីសងខុសច្បាប់ខាងលើនឹងពិនិត្យមើលសមត្ថកិច្ចក្នុងមូលដ្ឋាន តើរាល់ថ្ងៃគាតកំពង់ធ្វើអ្វីដែរបានជាបណ្តែតបណ្តោយអោយល្បែងសុីសងខុសច្បាប់កើតមាននៅក្នុងភូមិ ឃុំ ដែលខ្លួនគ្រប់គ្រងបានយ៉ាងបែបនេះ?។ (នៅមានត)
ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់សមត្ថកិច្ចពាក់ពន្ធ័ នឹងម្ចាស់ទីតាំងរៀងរាល់ម៉ោងធ្វើការ ដើម្បីឆ្លុះបញ្ចាំងពីការពិតសុក្រឹតនិងយុត្តិធម៌តែប៉ុណ្ណោះ សូមអរគុណ៕
