ថ្ងៃទី២៣ ខែសីហា ឆ្នាំ២០២២
ខេត្តតាកែវ៖បើតាមប្រភពពីប្រជាពលរដ្ឋ រាយការណ៍មកថា មានល្បែងស៊ីសងមាន់ជល់ នៅក្រោមម្លប់ជ្រៃកណ្ដាលវាលស្រែ ក្នុងទឹកដីឃុំពត់សរ បើកលេងជា រៀងរាល់ថ្ងៃ «បើទោះបីជាអាជ្ញាធរស្រុកបាទី បានអះអាងពីការបង្រ្កាបល្បែងស៊ីសង ដើម្បីភូមិ ឃុំ មាន សុវត្ថិភាពក៏ដោយ» ប៉ុន្តែល្បែងជល់មាន់ដ៏ពេញនិយមនៅតែបើកលេង យ៉ាងគគ្រឹកគគ្រេងដដែល ជាពិសេសដូចជាទីតាំងមាន់ជល់មួយកន្លែងស្ថិតនៅក្នុងឃុំពត់សរ នៃស្រុកបាទី ខេត្តតាកែវ ជាដើម។
ទីតាំងជល់មាន់មួយកន្លែងនេះ ត្រូវបានអ្នកញៀនល្បែងរៀបចំទីតាំងលេង នៅក្រោមម្លប់ជ្រៃ កណ្តាល វាលស្រែដែលគេអាចសម្គាល់បានតាមរយៈម៉ូតូជា ច្រើនតម្រៀគ្នានៅតាមាត់ព្រែក និង មនុស្សជួបជុំ គ្នាយ៉ាងអឺងកងនៅទីទួលក្រោមម្លប់ដើមជ្រៃ ក្នុងឃុំពត់សរ តែបែជាលោកនាយប៉ុស្តិ៍រដ្ឋបាលឃុំពត់សរ មើលមិនឃើញយ៉ាងនេះទៅវិញនិងមិនធ្វើការបង្រ្កាបនោះឡើយ។ ដូច្នេះតើទីតាំងមួយនេះមានខ្នងបង្អែក យ៉ាងណាទើបអាជ្ញាធរមិនបង្រ្កាប?
គួរបញ្ជាក់ដែរថា នៅ ក្នុង ឃុំពត់សរ មិន មែន មានតែ ទីតាំង ជល់មាន់លើដីប៉ុណ្ណោះ ទេ គឺនៅ មាន ទីតាំង ល្បែង ជា ច្រើន ទៀត ដែល ខ្លះ មាន លេង ជា របៀបជល់មាន់តាមអនឡាញ ខ្លះ ទៀតមានលេង ជា ល្បែង បៀរ អាប៉ោង ជាដើម ដែល អាជ្ញាធរ មូលដ្ឋាន ពិសេស លោកមេប៉ុស្តិ៍ ឃុំពត់សរ ដឹង យ៉ាង ច្បាស់ ប៉ុន្តែមិនមានវិធានការបង្រ្កាប។ទាំងនេះ ត្រូវបានមហាជន សន្និដ្ឋានថា ប្រហែលជា លោក មេប៉ុស្តិ៍ ទទួលបាន សំណែន ច្រើន ហើយ មើលទៅ ទើបមិន ព្រមបង្រ្កាប សោះ។
ករណីខាងលើនេះប្រជាពលរដ្ឋស្នើសុំលោក វរសេនីយ៍ឯក ឆាយ កែវមុន្នី អធិការស្រុកបាទី មានចំណាត់ការផង(ចៀសវាងគេងមិនលក់ធ្វើជាសម្រាន្តលក់) និងជួយមើលមន្ត្រីក្រោមឱវាទដែលរក្សាការពារនៅក្នុងទឹកដី ភូមិ.ឃុំ ខាងលើនេះផង តើរាល់ថ្ងៃនេះគាត់រវល់ធ្វើអ្វីដែរ? បានជាបណ្ដែតបណ្ដោយ អោយមានល្បែងស៊ីសង បង្កើតឡើងនៅក្នុងមូលដ្ឋានរបស់ខ្លួន ដោយសេរីបែបនេះ?
អង្គភាពសារព័ត៌មានយើងចុះផ្សាយខាងលើនេះ គ្មានគោលបំណងអ្វីក្រៅពីសេចក្តីរាយការណ៍ជូនថ្នាក់ដឹកនាំខាងលើៗលោកបានជ្រាបជាព័ត៌មានពីមន្ត្រីថ្នាក់ក្រោម ដើម្បីឱ្យមានភាពស្មោះត្រង់ការពារពលរដ្ឋណែនាំឲ្យបានល្អជាមន្ត្រីគំរូ ដែលមានកាតព្វកិច្ចចុះត្រួតពិនិត្យមើលក្នុងមូលដ្ឋានកុំឲ្យពលរដ្ឋខ្មែរយើងញៀននិងល្បែងស៊ីសង ស្ទើរលែងធ្វើការងារអ្វីផ្សេងលែងកើតសូមសមត្ថកិច្ចក្នុងមូលដ្ឋានកុំធ្វើការរបៀបអ៊ែលៗកន្ទេលធំបន្លំដេករបៀបនេះនោះទេ។
សូមបញ្ជាក់ថានេះជាកាលើឡើងរបស់បងប្អូនប្រជាពលរដ្ឋ ដែលលោកមិនពេញចិត្ត ដោយសារក្នុងតំបន់គាត់កើតមានល្បែងសុីសងខុសច្បាប់ហើយសមត្ថកិច្ចមិនបង្រ្កាប។
