ចេញផ្សាយថ្ងៃចន្ទទី១៥ ខែសីហាឆ្នាំ២០២២
ខេត្តកណ្តាល៖បើតាមប្រភពច្បាស់ការណ៍បានអោយដឹងថា ក្នុងស្រុកអង្គស្នួលសំបូរទៅដោយទីតាំង ល្បែងអនឡាញខុសច្បាប់ ប្រភេទ មាន់ជល់ តាមកញ្ចក់ទូរទស្សន៍ជាច្រើនកន្លែងគ្មានការបង្រ្កាបពីអាជ្ញាធរក្នុងស្រុក ជាក់ស្តែងទីតាំងល្បែងសុីសងរួមមាន៖
១.ស្ថិតនៅតាមផ្លូវជាតិលេខ៤១ ខាងជើងស្ពានគុណគ្រូប្រហែលជាង២០០ម៉ែត្រក្នុងភូមិពន្លឺ ឃុំលំហាច ស្រុកអង្គស្នួល។
២.ភូមិត្រពាំងភូមិ ឃុំពើក ស្រុកអង្គស្នួល។
៣.ឃុំសំរោងលើ ស្រុកអង្គស្នួល ២ទីតាំង នៅមានច្រើនទីតាំងទៀត នៅក្នុងឃុំនីមួយៗ នេះមិនទាន់រាប់បញ្ចូលភូមិឃុំផ្សេងៗនៅឡើយទេ។
ដឹងហើយថា ទីណាមានល្បែងស៊ីសង ទីនោះនឹងមានបទល្មើសនានា កើតឡើងជាហូរហែ ធ្វើឲ្យភូមិ ឃុំ សង្កាត់ គ្មានសុខសុវត្ថិភាព ប្រជាពលរដ្ឋរស់នៅដោយក្ដីព្រួយបារម្ភ ដូចជា ៖ ចោរ លួច ឆក់ ប្លន់ អំពេីហិង្សាក្នុងគ្រួសារសិតសឹងតែកេីតចេញ អំពីបទល្មេីសល្បែងសុីសង ខុសច្បាប់នេះឯង ។
បើតាមសេចក្តីរាយការណ៍មកថា ទីតាំងជល់មាន់អនឡាញ ខាងលេី បេីកលេងជារៀងរាល់ថ្ងៃ មានអ្នកចូលទៅប្រមូលម្ដុំគ្នាលេងយ៉ាងច្រេីន កុះករ លេងចាញ់លុយរហូតដល់រាប់លានរៀល អ្នកខ្លះអស់លុយ អ្នកខ្លះអស់ម៉ូតូ ដល់ផ្ទះ ធ្វើអោយបង្កបញ្ហាដល់គ្រួសារ។
ជំវិញករណីខាងលើនេះប្រជាពលរដ្ឋស្នើសុំលោកឧត្ដមសេនីយ៍ទោ ឈឿន សុចិត្ត ស្នងការខេត្តកណ្តាលនឹង ឯកឧត្ដម គង់ សុភ័ណ្ឌ អភិបាលនៃគណៈអភិបាលខេត្តកណ្តាល ដែលលោកតែងតែគិតគូរពីសុខទុក្ខប្រជាពលរដ្ឋ មេត្តាចាត់កំលាំងជំនាញឱ្យចុះមកទប់ស្កាត់និង បង្ក្រាប បនល្បែងសុីសង ខុសច្បាប់ទាំងនេះផងទាន និងជួយពិនិត្យមើលមន្ត្រីក្រោមឱវាទដែលរក្សាការពារនៅក្នុងទឹកដី ភូមិ.ឃុំ ខាងលើនេះផង តើរាល់ថ្ងៃនេះគាត់រវល់ធ្វើអ្វីដែរ? បានជាបណ្ដែតបណ្ដោយ អោយមានល្បែងស៊ីសង បង្កើតឡើងនៅក្នុងមូលដ្ឋានរបស់ខ្លួន ដោយសេរីបែបនេះ?។(នៅមានត)
ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់សមត្ថកិច្ចពាក់ពន្ធ័ នឹងម្ចាស់ទីតាំងរៀងរាល់ម៉ោងធ្វើការ ដើម្បីឆ្លុះបញ្ចាំងពីការពិតសុក្រឹតនិងយុត្តិធម៌តែប៉ុណ្ណោះ សូមអរគុណ៕
