ភ្នំពេញ៖នៅល្ងាចថ្ងៃអាទិត្យ ២រោច ខែស្រាពណ៍ឆ្នាំខាល ចត្វាស័ក ពុទ្ធសរាជ២៥៦៦ ត្រូវនឹងថ្ងៃទី១៤ខែសីហា២០២២
ប្រជាពលរដ្ឋក្នុងសង្កាត់ចោមចៅទី២ មានការសប្បាយនិងអបអរសារទរដោយ បានការអភិវឌ្ឍន៍ទៅមុខជានិច្ច សមិទ្ធផលថ្មីផ្លូវប៉េតុងក្នុងទឹកដីទាំង៣ភូមិលេចចេញជារូបរាងបាន៦០%ហើយ ។
ដោយមើលឃើញពីទុក្ខលំបាករបស់បងប្អូនប្រជាពលរដ្ឋក្នុងការធ្វើដំណើររបស់បងប្អូប្រជាពលរដ្ឋនឹងក្រោមការចង្អុលបង្ហាញពីលោក ហែម ដារិទ្ធិ អភិបាលខណ្ឌពោធិ៍សែនជយ័ រួមទាំងលោក វ៉ា សារ៉ង ចៅសង្កាត់ចោមចៅទី២ បានដឹកនាំក្រុមការងារចុះពិនិត្យមើលការស្ថាបនាផ្លូវបេតុង១ខ្សែនឹង ស្តារប្រឡាយរំដោះទឹកដែលឋិតក្នុងភូមិព្រៃល្វា ភូមិ ជ្រៃកោង ភូមិព្រៃសណ្តែក។
បើតាមប្រសាសន៍របស់លោក វ៉ា សារ៉ង លោកបានបញ្ចាក់ថា ការស្ថាបនាផ្លូវនេះបានសំរេចជិត៦០%ហើយ លោកនឹងខិតខំពន្លឿនអោយបានឆាប់រហស័ ជាដំបូងយើងត្រូវបង្ហាប់ថ្មមិច អោយហាប់ជាមុនសិន បន្ទាប់មកទើបយើងចាក់បេតុងយកតែម្តង លោកក៏បានបន្ថែមថាសុំរថយន្តធំៗដែលធ្លាប់ដំណើរលើផ្លូវនេះសុំមេត្តាបើកបង្វៀងរកផ្លូវផ្សេងព្រោះផ្លូវនេះកំពុងតែសាងសង់ ជាពិសេសសុំកុំទាន់អាលបើកលើផ្លូវបេតុងដែលចាក់រួច រងចាំ១៥ថ្ងៃសិនអោយផ្លូវបានមាំជាប់ល្អ។
លោកវ៉ា សារ៉ង បន្តទៀតថានេះជាស្នាដៃរបស់អាជ្ញាធរមូលដ្ឋានសង្កាត់ចោមចៅទី២ដែលខិតខំបំរើប្រជាពលរដ្ឋក្នុងមូលដ្ឋាននៃខណ្ឌពោធិ៍សែនជយ័ក្នុងការលុបបំបាត់ភាពក្រីក្រតាមរយះកសាងហេដ្ឋារចនាសម្ធន័នានាក្នុងមូលដ្ឋានរបស់លោក។
