ចេញផ្សាយថ្ងៃសុក្រទី១២ខែសីហា ឆ្នាំ២០២២
ប្រជាសហគមន៍អ្នកស្រឡាញ់ធនធានធម្មជាតិ លើកឡើងថា បើមួយថ្ងៃទៅមួយថ្ងៃ សកម្មភាពឈ្មួញរកស៊ីឈើ បន្តបំផ្លរចបំផ្លាញព្រៃឈើយ៉ាងរង្គាលបែបនេះ ច្បាស់ជារលាយមិនខានឡើយ ព្រោះតែអាជ្ញាធរពាក់ពន្ធ័ រវល់តែធ្វើមិនដឹងមិនឮ សំងំស្ងៀមមិនមានវិធានការបង្រ្កាប់។
បើតាមប្រភពពីទៀមកាហ្វេបានអោយដឹងថា ករណីដែលកើតមានបទល្មើសព្រៃឈើក្នុងដែនការពាររបស់សមត្ចកិច្ចជំនាញបែបនេះ ពួកគាត់ចាត់ទុកថា វាជាករណីបណ្ដែតបណ្តោយពីសំណាក់មន្ត្រីជំនាញខាងព្រៃឈើតែម្តង ជាករណីឃុបឃិតគ្នាប្រមូលប្រយោជន៍ធ្វើមានបាន រាងៗខ្លួន ពុំមានឆន្ទៈបង្រ្កាប ការពារព្រៃឈើស្អីនោះទេ។ ពួកគាត់លើកឡើងទៀតថា ក្រុមឈ្នួញឈើបានរត់ការបង់ផ្លូវ ចែកកញ្ចប់ដល់គ្រប់ស្ថាប័នសមត្ថកិច្ចទាំងអស់ ទើបបានជាសកម្មភាព រំលំ អារ ពុះ ជ្រៀកឈើផដឹកជញ្ជូនចេញ បានយ៉ាងរលូនបែបនេះ។
ដូចនេះប្រជាពលរដ្ឋ ស្នើសុំដល់មន្ត្រីពាក់ពន្ធ័ក្នុងខេត្តទាំងអស់មានវិធានកាទប់ស្កាត់បទល្មើព្រៃឈើខាងលើនេះផង ជាពិសេសឯកឧត្តម សាយ សំអាល រដ្ឋមន្ត្រីក្រសួងបរិស្ថាន
នឹងឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ មេត្តាចាត់កំលាំងជំនាញឱ្យចុះមកពិនិត្យស្រាវជ្រាវ ទប់ស្កាត់និង បង្ក្រាប បទល្មើសព្រៃឈើខាងលើនេះផងទាន និងជួយពិនិត្យមើលមន្ត្រីក្រោមឱវាទដែលរក្សាការពារនៅក្នុងដែនជម្រកសត្វព្រៃកែវសីមា ខេត្តមណ្ឌលគីរី
នេះផង តើរាល់ថ្ងៃនេះគាត់រវល់ធ្វើអ្វីដែរ? បានជាបណ្ដែតបណ្ដោយ អោយមានបទល្មើព្រៃឈើកើតឡើងនៅក្នុងមូលដ្ឋានរបស់ខ្លួន ដោយសេរីបែបនេះ?។
ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់សមត្ថកិច្ចពាក់ពន្ធ័ រៀងរាល់ម៉ោងធ្វើការ ដើម្បីឆ្លុះបញ្ចាំងពីការពិតសុក្រឹតនិងយុត្តិធម៌តែប៉ុណ្ណោះ សូមអរគុណ៕
