ចេញផ្សាយថ្ងៃអង្គារទី១៩ ខែកក្កដាឆ្នាំ២០២២
ខេត្តព្រៃវែង៖តាមប្រភពប្រជាពលរដ្ឋបានអោយដឹងថា នៅលើទំនប់ខាងកើតផ្សារអ្នកលឿងក្នុងភូមិ៤ ឃុំព្រែខ្សាយ(ខ) មានទីតាំងល្បែងសុីសងប្រជល់មាន់អនឡញ បើកអោយភ្ញៀវចូលលេងបានយ៉ាងគគ្រឹកគគ្រេងសមត្ថកិច្ចពាក់ពន្ធ័ក្នុងមូលដ្ឋានធ្វើមិនដឹងមិនឮ។
ប្រជាពលរដ្ឋមានចម្ងល់ថា តើមកពីមូលហេតុអ្វីបានជាសមត្ថកិច្ចក្នុងមូលដ្ឋានមិនបង្រ្កាបបែបនេះឬក៏ជាប្រាក់ខែរបស់គាត់?។
ប្រភពបានបន្តទៀតថា៖ «ល្បែងស៊ីសងគ្រប់ប្រភេទ ជាឫសគល់នៃបទល្មើសចោរកម្ម លួច ឆក់ ប្លន់ និង កេីត ករណីហិង្សា ក្នុងគ្រួសារ ជាដើម ជាហេតុ នាំឲ្យប្រជាពលរដ្ឋ មានការព្រួយបារម្មណ៍ ភ័យខ្លាច និងភាពអសន្តិសុខ នៅក្នុងសង្គមក៏ដូចក្នុងមូលដ្ឋានផងដែរ»។
ក្នុងករណីខាងលើនេះប្រជាពលរដ្ឋសំណូមពរយ៉ាងទទូចដល់លោក សេង ពន្លក អធិការស្រុកពាមរក៍ លោក ព្រុំ សន្ធរ ស្នងការនគរបាលខេត្តព្រៃវែង ឯកឧត្ដម ជា សុមេធី អភិបាលនៃគណអភិបាលខេត្តព្រៃវែង មេត្តា ចាត់កម្លាំងជំនាញ ចុះបង្ក្រាបទីតាំងល្បែងសុីសងប្រជល់មាន់អនឡាញខាងលើនេះ ដើម្បីឲ្យស្របតាម គោលនយោបាយភូមិ ឃុំ សង្កាត់មានសុវត្ថិភាព ទាំង៩ចំណុចរបស់រាជរដ្ឋាភិបាល ផងទាន៕
សូមបញ្ជាក់ថា ករណីខាងលើនេះអង្គភាពយើងខ្ញុំបានរាយការណ៍ទៅលោកមេប៉ុស្តិ៍ ឃុំព្រែកខ្សាយ(ខ)នៅថ្ងៃទី១៩ខែកក្កដា ឆ្នាំ២០២២ តាមរយៈតេឡេក្រាមដែរ តែលោកអត់ចូលមើលនឹងទំនាក់ទំនងតាមរយះលេខទូរសព្វ័ខលចូលតែអត់មានអ្នកទទួល។
ជុំវិញការចុះផ្សាយខាងលើអង្គភាពសារព័ត៌មានយើងខ្ញុំ នឹងរងចាំការស្រាយបំភ្លឺ ពីសំណាក់សមត្ថកិច្ចពាក់ពន្ធ័ នឹងម្ចាស់ទីតាំងរៀងរាល់ម៉ោងធ្វើការ។ សូមអរគុណ!
