ចេញផ្សាយថ្ងៃទី១៧ខែកក្កដា ឆ្នាំ២០២២
ខេត្តមណ្ឌលគិរី÷បើយោងតាមសេចក្តីរាយការណ៍មួយបានបង្ហើបប្រាប់អង្គភាពយើងអោយដឹងកាលពីដើមខែនេះថា មួយរយ:ពេលថ្មីៗមកនេះក្រុមឈ្មួញកំពុងដើរគៀងគរប្រជាពលរដ្ឋឲ្យចូល ព្រៃទៅកាប់ផ្តួលបំផ្លាញដើមឈើធំៗចេញពីរព្រៃភ្នំ ក្នុងតំបន់ដែនជំរកសត្វព្រៃ ដើម្បីអារពុះជ្រៀកឈើ មានទាំងឈើក្រហម និងឈើឃ្លុំដែលមានមុខកាត់ធំៗ រួចធ្វើសកម្មភាព តាមរយៈគោយន្តកន្ត្រៃ នឹងបន្តដឹកតាមរថយន្តបែនដឹកដីខ្នាតយក្ស ជាច្រើនគ្រឿង ដើម្បីឆ្លងដែនទៅលក់បន្តនៅប្រទេសវៀតណាមតាមច្រកទ្វារដាក់ដាំដោយ គ្មានការរំខានដល់កម្លាំងសមត្ថកិច្ចប្រចាំការច្រកព្រំដែននោះទេ។
សេចក្ដីរាយការណ៍ខាងលើបានបន្តទៀតថា៖ គេបានសង្កេតឃើញសកម្មភាព គោយន្តកន្ត្រៃដឹកឈើជាច្រើនគ្រឿងនៅចំណុចភូមិរវាក់ ឃុំរយ៉ ខាងឆ្វេងដៃ ,និងនៅភូមិលហ៊ត, ភូមិកែរពៅ ក្នុងឃុំសុខសាន្ត ស្រុកកោះញែក ហើយក៏មានរថយន្តបែនធន់ធ្ងន់មកដឹកជញ្ជូនបន្តចេញទៅបាត់ស្រមោល ខណៈប្រជាពលរដ្ឋរាយការណ៍ថា ឈើទាំងនេះដឹកលក់ឆ្លងដែនទៅកាន់ប្រទេសវៀតណាមតាមច្រកដាក់ដាំ និងមួយចំនួនទៀតដឹកចេញតាមច្រកណាំលា ហៅប៉ុស្តិ៍៧ ស្រុកពេជ្រចិន្តា ខេត្តមណ្ឌលគិរី ដែរគេដឹងថាមានអ្នករត់ការនិងម្ចាស់ឈើឈ្មោះ {ក្របី}ឈ្មោះសឿន ឈ្មោះរិទ្ធ និង ឈ្មោះ ភារម្យ ជាអ្នករត់ការបើកផ្លូវផងដែរ។
សូមបញ្ជាក់ថា រថយន្ត និងឈើមានម្ចាស់ ខាងលើរកសុីដុះស្លែរយូរឆ្នាំមកហើយគេពុំដែរឃើញកម្លាំងសមត្ថកិច្ចបង្ក្រាបទាន់ពេលវេលានោះទេ គឺមិនខុសពីការចុះទៅបង្ក្រាបដាន ឬបង្ក្រាបបានតែស្រមោលតែប៉ុណ្ណោះ។ ទោះបី នាពេលកន្លងទៅមានបទបញ្ជាយ៉ាងមុឺងមាតពីប្រមុខថ្នាក់ដឹកនាំ និងមានការចុះបង្ក្រាបទៅលើមេឈ្មួញធំៗមួយចំនួន តែដោយឡែកសម្រាប់មេឈ្មួញប៉ុន្មាននាក់ខាងលើនេះហាក់ បីដូចជាមានសំណាងល្អជានិច្ច ។
ប្រជាពលរដ្ធ រស់នៅស្រុកពេជ្រចិន្តានិងស្រុកកោះញែក បានគោរពស្នើសុំលោក ហេម បូណារ៉ែល មេបញ្ជាការកងរាជអាវុធហត្ថខេត្តមណ្ឌលគិរី និងលោក ថង សាវុន អភិបាលនៃគណៈអភិបាលខេត្តមណ្ឌលគិរី មិនគូរបណ្តែតបណ្ដោយឲ្យឈ្មួញទាំងនោះ ដឹកជញ្ជួនឈើឆ្លងដែនទៅលក់ នៅប្រទេសវៀតណាមដោយសេរី គ្មានការទប់ស្កាត់ ពីសំណាក់មេព្រៃ ក៏ដូចជាមន្ត្រីបរិស្ថាននឹងកម្លាំងជំនាញពាក់ព័ន្ធនោះទេ ពិសេសមន្ត្រីច្រកទ្វារដាក់ដាំ។
ជាពិសេសនោះជាសេចក្តីរាយការណ៍មួយជូនទៅក្រសួងបរិស្ថានដែលដឹកនាំដោយឯកឧត្តម សាយ សំអាល់ជាប្រធានតែងតែផ្ដាំផ្ញើឲ្យមន្ត្រីថ្នាក់ក្រោមគោរពតាមបទបញ្ជារបស់ថ្នាក់ដឹកនាំ បានឲ្យរក្សាការពារ សម្បត្តិធន់ធានធម្មជាតិ ឱ្យនៅគង់វង្ស ផងដែរ។
ការផ្សព្វផ្សាយខាងលើនេះនិងជ្រាបជាព័ត៌មានដល់ឯកឧត្តម ហើយអង្គភាពសារព័ត៌មានយើងសង្ឃឹមយ៉ាងមុតមាំថា ឯកឧត្តមនិងចាត់កម្លាំងចុះមកបើកការស៊ើបអង្កេតនឹងចាត់វិធានការផ្លូវច្បាប់ទៅលើឈ្មួញទាំងនេះផងទាន។
អង្គភាពសារព័ត៌មានយើងចុះផ្សាយខាងលើនេះគ្មានគោលបំណងអ្វីក្រៅពីរចូលរួមជាមួយរដ្ឋាភិបាលនិងសេចក្តីរាយការណ៍ជូនថ្នាក់ដឹកនាំខាងលើៗលោកបានជ្រាបជាព័ត៌មានពីមន្ត្រីថ្នាក់ក្រោមដើម្បីឱ្យមានភាពស្មោះត្រង់និងជាមន្ត្រីគំរូល្អដែលមានបេសកកម្មនិងកាតព្វកិច្ចចុះមកធ្វើការនិងការពាផងដែរមិនមែនមកធ្វើការរបៀបអ៊ែលៗកន្ទេលធំបន្លំដេកនឹងជាមន្រ្តីគ្រាប់ល្ពៅស្ងោរបៀបនេះនោះទេ។
ដើម្បីបញ្ចៀសនូវការភ័ន្តច្រឡំ ឬជាព័ត៌មានក្លែងក្លាយណាមួយនោះ.! អង្គភាពសារព័ត៌មានយើងខ្ញុំ និងចុះផ្សាយនៅលេខបន្តៗទៀតដើម្បីធ្វើការស្រាវជ្រាវអោយកាន់តែច្បាស់ស្វែងរកការពិត ដែលក្រុមការងាររបស់សារព័ត៌មានយើងខ្ញុំ កំពុងចុះបំពេញភារកិច្ច ស្របតាមក្រមសិលធម៌វិជ្ជាជីវៈ និងគោរពច្បាប់ស្ដីពីរបបសារព័ត៌មាន ដែលយើងខ្ញុំប្រកាន់ភ្ជាប់នូវតម្លៃ វិស័យសារព័ត៌មានទៅគ្រប់ទីកន្លែង និងគ្រប់ពេលវេលា៕
