ភ្នំពេញ ថ្ងៃទី១៣ ខែមិថុនា ឆ្នាំ២០២២-
ប្រមុខរាជរដ្ឋាភិបាលកម្ពុជាសម្តេចអគ្គមហាសេនាបតីតេជោ ហ៊ុន សែន បានប្រកាសថា នៅឆ្នាំ២០២២ នេះ នឹងមាន ការដំឡើងប្រាក់បៀវត្សរ៍ដល់មន្ត្រីរាជការក្នុងនោះ សម្រាប់គ្រូបង្រៀន និងគ្រូពេទ្យយ៉ាងទាបបំផុតឱ្យកើនដល់១លាន៥សែនរៀល ដោយមិនជាប់ពន្ធថែមទៀត។
ថ្លែងក្នុងពិធីបិទ និងប្រគល់សញ្ញាបត្រក្នុងវគ្គបណ្ដុះបណ្ដាលឆ្នាំ២០២០-២០២១ និងបើកវគ្គបណ្ដុះបណ្ដាលឆ្នាំ២០២២ របស់សាលាភូមិន្ទរដ្ឋបាលជាង២ពាន់នាក់ នាព្រឹកថ្ងៃទី ១៣ខែមិថុនាឆ្នាំ២០២២នៅ សាលាសន្និសីទជ្រោយចង្វារ សម្តេចតេជោ ហ៊ុន សែន បានគូសបញ្ជាក់ថា សម្រាប់សារាចរណែ នាំរៀបចំថវិកាឆ្នាំ២០២២ គ្រោងនឹងដំឡើងប្រាក់បៀវត្សរ៍ដល់មន្ត្រីរាជការដោយឆ្នាំ២០២០ និង២០២១ ដែលមិនបានឡើង។ សម្រាប់ឆ្នាំ២០២២នេះយើងនឹងរៀបចំដំឡើងជូនមន្ត្រីរាជការ ប៉ុន្តែមិនគិតជាភាគរយទេ។
សម្តេចតេជោបានលើកឡើងថា «សូមនិយាយទុកឱ្យហើយ. ..មានរបៀបឡើងរបស់វាបានសេចក្តីថាអ្នកដែល មានប្រាក់ខែតិចឡើងបានច្រើនជាង អ្នកដែលមានប្រាក់ខែខ្ពស់ឡើង តិចជាង។ គ្រាន់តែប្រាប់ថាយ៉ាងណាក៏ឡើងដែរ គឺគ្រូ បង្រៀននិងគ្រូពេទ្យទាបបំផុតយ៉ាង ណាឱ្យបាន១លាន៥សែន រៀល។ ដែលកន្លងមកគ្រូបង្រៀន និងគ្រូពេទ្យកន្លង បាន១លាន ៣សែនរៀល»។
ជាមួយគ្នានោះដែរសម្តេចតេជោក៏បានលើកឡើងទៀតថា ក្រៅពីគ្រូបង្រៀន និងគ្រូពេទ្យមន្ត្រីរាជការផ្សេង ទៀតដែលកន្លងមកមានប្រាក់ខែ ១លាន ២សែនរៀល នឹងដំឡើង១លាន៤សែនរៀល។
សម្តេចតេជោនាយករដ្ឋមន្ត្រីក៏បានថ្លែងថា សម្តេចក៏បានស្នើទៅរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុថានៅពេលតម្លៃប្រាក់ខែគឺត្រូវគិតពីពិដាននៃមន្ត្រីដែលជាប់ពន្ធផងដែរ។
សម្តេចតេជោបានលើកជាឧទារហណ៍ថា បើគាត់ឡើងប្រាក់បៀវត្សរ៍ទាបបំផុត១លាន៥សែនរៀល អីចឹងដាក់អ្នកដែលជាប់ពន្ធថាអ្នកដែលមានប្រាក់បៀវត្សរ៍ក្រោម១លាន៥សែន ១រៀលមិនជាប់ពន្ធ បើឡើងពី១រៀលទៅគឺជាប់ពន្ធ។ សម្តេចតេជោបានអះអាងថា ការធ្វើបែបនេះដើម្បីចៀសវាងអ្នកដែលមានប្រាក់ខែទាបជាងគេជាប់ពន្ធ។ អ្នកដែលមានប្រាក់ខែខ្ពស់គឺជាប់ពន្ធ ។
សម្តេចតេជោគូសបញ្ជាក់ថា «អីចឹងយើងគិតបែបនេះគឺគិតទាំងវិស័យរដ្ឋ និងវិស័យឯកជន យើងអាចធ្វើទៅបាន អាឡូវវយើងធ្វើបានធ្វើការបន្ធូរបន្ថយលើវិស័យ ជាច្រើនបន្ទាប់ពីជំងឺកូវីដថយ»៕
