ចេញផ្សាយថ្ងៃទី២៨ខែឧសភាឆ្នាំ២០២២
ខេត្តព្រះវិហារ៖ ប្រភពពីប្រជាពលរដ្ឋ រស់នៅភូមិបង្កន ឃុំរៀបរយ ខេត្តព្រះវិហារ បានបញ្ជាក់អោយ ដឹងថា ឈ្មួញធំៗ ជ្រកក្រោមក្រុមហ៊ុន PNT ហៅ៩៧ កំពុងរង់ការកាប់ បំផ្លិចបំផ្លាញព្រៃឈើ នៅតំបន់ព្រៃឡង់ ឆ្លងកាត់ទៅ អូងាវ ស្រុកសណ្ដាន់ ខេត្តកំពង់ធំ កាលពីថ្ងៃទី១៨ ខែឧសភា ឆ្នាំ២០២២ រីឯមន្ត្រីជំនាញនិងសមត្ថកិច្ចពាក់ព័ន្ធ សម្ងំស្ងៀមមិនបង្រ្កាប។
ប្រជាពលរដ្ឋបានដាក់ការ សង្ស័យថា មន្ត្រីជំនាញទាំងនោះប្រហែលជាមានកា ឃុបឃិតគ្នាជាប្រព័ន្ធទេដឹង បានជាមិនចាត់វិធានការ បង្ក្រាបបណ្តោយអោយក្រុមឈ្មួញសំរុក អា ជ្រៀក ដឹកជញ្ជូនឈើបានយ៉ាងរលូនបែបនេះ ។
ប្រភពបន្តថាបានជាក្រុមហ៊ុន PNTហៅ៩៧ ប្រហែលមានខ្នងបង្អែក រឹងមាំនៅពីក្រោយខ្នងហើយមើលទៅ ទើបមន្ត្រីជំនាញពាក់ព័ន្ធ បើកភ្លេីងខៀវហើយ ទេីបហ៊ានគ្រៀងគរ ពលរដ្ឋឲ្យខ្មែរ ចូលកាប់ព្រៃឈើយ៉ាងរង្គាល គ្មានការទប់ស្កាត់ ពីសំណាក់ អាជ្ញាធរមូលដ្ឋាន។
លើសពីនេះទៅ ទៀតសកម្មភាព ក្រុមឈ្មួញដែលមក សុីស្នួលអោយក្រុមហ៊ុន PNT ចូលកាប់ឈើ កាលពីថ្ងៃទី១៨ ខែឧសភា ឆ្នាំ២០២២ នេះបានយ៉ាងរលូន បន្ទាប់ពីប្រមូលឈើ ដឹកជញ្ជានតាមគោយន្ត កន្ត្រៃយ៍រួចហើយ បន្តលើកដាក់ ក្នុងរថយន្តធំៗ ចំនួន ០៤គ្រឿង ដូចមាននៅក្នុង រូបភាពស្រាប់ ចេញតាមក្រុមហ៊ុន ចំការកៅស៊ូ ជាប់ខេត្តព្រះវិហារ ទៅយ៉ាងសុខ ស្រួលបំផុត គ្មានមន្ត្រីជំនាញហ៊ាន ប៉ះពាល់នោះទេ ។
ផ្ទៃដីវិនិយោគប៉ុណ្ណាទៅ ! របស់ក្រុមហ៊ុន PNT នេះនៅមានឈើ កាប់បន្តទៀតពិត ប្រាកដមែនដែរឬទេ? បើយោងទៅតាម ការចោទសួរនិងចម្ងល់ពី មហាជនពិសេស ប្រជាពលរដ្ឋ រស់នៅក្នុងតំបន់ជាប់ៗគ្នាទាំងនោះ បានចោទសួរ សមត្ថកិច្ចពាក់ ពន្ធ័ក្នុងមូលដ្ឋាន។
ប្រជាពលរដ្ឋ រស់ភូមិបង្កន ឃុំរៀបរយ អំពាវនាវនិងទទូចដល់ នាយឧត្តមសេនីយ៍ សៅ សុខា មេប៉េអឹមផ្ទៃប្រទេស និងជាគណះកម្មា ថ្នាក់ជាតិ ដើម្បីបង្ក្រាបទប់ ស្កាត់បទល្មើសព្រៃ ឈើធនធានធម្មជាតិ ចាត់មន្ត្រីក្រោមឱវាទ ក្នុងខេត្តព្រះវិហារចុះពិនិត្យ ទីតាំងក្រុមហ៊ុនPNT បើមិនដូច្នោះព្រៃឈើនៅសេសសល់បន្តិចបន្តួច ត្រូវរងការវិនាស ហិនហោចអស់ ក្រោមស្នាដៃ ក្រុមហ៊ុននេះ មិនខាន់ឡើយ៕
ជុំវិញការចុះផ្សាយខាងលើអង្គភាពសារព័ត៌មានយើងខ្ញុំ នឹងរងចាំការស្រាយបំភ្លឺ ពីសំណាក់សមត្ថកិច្ចពាក់ពន្ធ័ រៀងរាល់ម៉ោងធ្វើការ។ សូមអរគុណ!
