ប្រជាពលរដ្ឋដែលប្រកបរបរសេដ្ឋកិច្ចក្រៅប្រព័ន្ធ ចាប់ផ្ដើមរកចំណូលបានប្រសើរឡើងវិញ បន្ទាប់ពីគ្មានករណីឆ្លងជម្ងឺកូវីដ-១៩ ដែលធ្វើឱ្យជីវភាពរបស់ពួកគាត់មិនសូវខ្វះខាតដូចកាលមុននោះឡើយ។ អ្នកយកព័ត៌មានយើងធ្វើសេចក្តីរាយការណ៍បន្ថែម…
លោកស្រី ខៀវ ដានី អាជីវករលក់ដូរម្នាក់នៅក្នុងរាជធានីភ្នំពេញបានឱ្យដឹងថា ក្រោយ ពេលដែលស្ថានភាពកូវីដ- ១៩ បានធូរស្រាល គឺធ្វើឱ្យការប្រកបមុខរបររកទទួល ទានរបស់ពួកគាត់គឺមានភាព ល្អប្រសើរឡើងវិញ ព្រមទាំងអាចរកប្រាក់ចំណូលបានគ្រប់ គ្រាន់សម្រាប់ផ្គត់ផ្គង់ជីវភាពបានល្អជាងមុន។
លោកស្រីបានបន្តថា មួយរយ:ពេលកន្លងមកនេះ ក្រសួងសុខាភិ បាលបានប្រកាស ពីការមិនមានករណីឆ្លងថ្មីជំងឺកូវីដ-១៩ នោះទេ ដែលធ្វើឱ្យប្រជាពល រដ្ឋកាន់តែមានទំនុកចិត្ត នៅ ក្នុងការប្រកបរបរផ្សេងៗទៀត ដោយមិនមានការព្រួយបារម្ភទៀតនោះទេ។ជាមួយគ្នានោះ ទោះបីជាគ្មានការឆ្លងទៀតក៏ដោយ ក៏លោកស្រីនៅតែបន្តការការពារខ្លួនជាប់ជានិច្ច ដោយគោរពទៅតាមការណែ នាំរបស់ប្រមុខរាជរដ្ឋាភិបាលកម្ពុជា ក៏ដូចជាក្រសួងសុខា ភិបាល ដើម្បីធានាបាននូវការគេចផុតពីការឆ្លង និងស្លាប់ដោយសារជំងឺដ៏កាចសាហាវមួយនេះ។
សំឡេង៖ ខ្ញុំយល់ឃើញថា យើងបានចាក់វ៉ាក់សាំងគ្រប់ គ្នា អ៊ីចឹងដូចជាមិនសូវព្រួយ បារម្ភដូចកាលពីមិនទាន់ចាក់នោះឡើយ ទោះបីជាដើរទៅណាក៏ដោយក៏វាមិនមានការភ័យខ្លាចដូចមុននោះទេ ហើយចំពោះការលក់ដូរ គឺយើងលក់បានគ្រាន់បើវិញផងដែរ ដោយចេះតែមានអតិថិ ជនមកទិញជាហូរហែ ហើយទោះជាយ៉ាងណាក៏ដោយ ក៏ខ្ញុំនៅតែការពារខ្លួនជានិច្ច រាល់ ពេលចេញក្រៅផ្ទះគឺពាក់ម៉ាស់រហូត ហើយខ្ញុំក៏សូមអរគុណដល់រាជរដ្ឋាភិបាលដែលបានជួយក្នុងការចាក់វ៉ាក់សាំង ជួយការពារអាយុជីវិត របស់ប្រជាពលរដ្ឋយើងផងដែរ។
ចំណែកឯលោក សុខ កុម្ភៈ ក៏បានឱ្យដឹងដែរថា ខណៈដែលប្រទេសរបស់យើងពេល នេះ មានការធូរស្រាល និងគ្មានការឆ្លងជាបន្តទៀតនៃជំងឺកូវីដ-១៩ គឺពួកគាត់បានរក ចំណូលបានច្រើនគួរសមជាងមុន និងមិនមានការព្រួយ បារម្ភទៀតនោះទេ ដែលធ្វើឱ្យជីវភាពរបស់គាត់កាន់តែប្រសើរពីមួយថ្ងៃទៅមួយថ្ងៃ ហើយជាមួយគ្នានោះ គឺគាត់មិនទាន់ភ្លេចនូវវិធានការក្នុងការការពារទេ ដោយបន្តទទួលការចាក់វ៉ាក់សាំងបង្ការជំងឺកូវីដ-១៩ និងរស់នៅតាមគន្លងថ្មីជាមួយនឹងជំងឺកូវីដ- ១៩។
សូមបញ្ជាក់ផងដែរថា បច្ចុប្បន្នប្រទេសកម្ពុជាបើកដំណើរការសេដ្ឋកិច្ចធម្មតា ជាមួយនឹងការរស់នៅជាមួយកូវីដ-១៩ បន្ទាប់ពីរាជរដ្ឋាភិ បាលកម្ពុជាទទួលបានជោគ ជ័យ លើនយោបាយចាក់វ៉ាក់ សាំងស្រោចលើប្រជាពលរដ្ឋ ចាប់ពីដូសមូលដ្ឋានរហូតដល់ដូសជំរុញ ហើយបច្ចុប្បន្នកម្ពុជា ក៏បានអនុញ្ញាតឱ្យដក ចេញនូវកាតព្វកិច្ចនៃការពាក់ម៉ាស់នៅតាមទីសាធារណៈនៅទូទាំងប្រទេស ប៉ុន្តែនៅតែលើកទឹកចិត្តសម្រាប់ប្រជា ពលរដ្ឋ បន្តអនុវត្តនូវវិធានការការពារនៅបន្តពាក់ម៉ាស់នៅទីកន្លែងដែលបិទជិត កន្លែងដែលប្រើម៉ាស៊ីនត្រជាក់ ឬកន្លែងដែលគិតថាមានហានិភ័យងាយនឹងឆ្លងជំងឺកូវីដ-១៩នោះ៕
