ក្រសួងព័ត៌មាននឹងបង្កើតសៀវភៅអេឡិចត្រូនិកស្តីពីពាក្យថ្មីទាក់ទងនឹងប្រព័ន្ធផ្សព្វផ្សាយដែលត្រូវបានអនុម័តរួចហើយដោយក្រុមប្រឹក្សាជាតិភាសាខ្មែរ (NCKL) នៅរាជបណ្ឌិត្យសភាកម្ពុជា។
ផែនការនេះត្រូវបានបង្ហាញនៅក្នុងកិច្ចប្រជុំប្រចាំសប្តាហ៍របស់ក្រសួងដែលបានធ្វើឡើងនៅព្រឹកនេះក្នុងទម្រង់ជាកូនកាត់។
សៀវភៅអេឡិចត្រូនិចនឹងមានបីភាសាគឺ អង់គ្លេស ខ្មែរ និងបារាំង។
ការប្រើប្រាស់ពាក្យដែលអនុម័តនឹងចាប់ផ្តើមពីក្រសួងព័ត៌មានទាំងថ្នាក់ជាតិ និងថ្នាក់ក្រោមជាតិ ដែលឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មានបានគូសបញ្ជាក់ក្នុងកិច្ចប្រជុំ។
ក្រុមការងារដែលដឹកនាំដោយឯកឧត្តមរដ្ឋលេខាធិការ ហោ សុភាព នឹងត្រូវបង្កើតឡើង ដើម្បីធ្វើការលើគម្រោងនេះ។
រហូតមកដល់ពេលនេះ ពាក្យថ្មីជាង ២០០ ដែលទាក់ទងនឹងវិស័យព័ត៌មាន និងការផ្សាយត្រូវបានអនុម័តដោយ NCKL។
