ខេត្តកំពង់ស្ពឺ៖ថ្ងៃ១៣. ០៤. ២០២២
គោយន្តជាច្រើនកំពង់សំរុកដឹកជញ្ជូនឈើ ចេញពីដែនជំរកសត្វព្រៃភ្នំឱរ៉ាល់ ក្នុងខេត្តកំពង់ស្ពឺ ហាក់បីបានកំពុងធ្វើចរាចរណ៍យ៉ាងគគ្រឹកគគ្រេងនៅពេលយប់ៗនិងថ្ងៃ ដោយគ្មានការទប់ស្កាត់ពីសមត្ថកិច្ចជំនាញឬកងកម្លាំងប្រដាប់អាវុធពាក់ព័ន្ធក្នុងភូមិសាស្ត្រដែលខ្លួនកំពុងគ្រប់គ្រងឡើយ។
ប្រជាពលរដ្ឋម្នាក់ដែលមិនបញ្ចេញឈ្មោះមានចម្ងល់ថា ក្រុមអ្នករកស៊ីដឹកជញ្ជូនឈើល្មើសច្បាប់ចេញពី
ដែនជម្រកសត្វព្រៃភ្នំឱរ៉ាល់ រួចដឹកឆ្លងកាត់ស្នាក់ការរដ្ធបាលព្រៃឈើផ្លោច បន្តឆ្ពោះទៅស្រុកថ្ពង តាមបណ្ដោយផ្លូវជាតិលេខ ៤៤ យកទៅលក់ចែកចាយដោយរលូន ហេតុអ្វីបានជាប្រធានស្នាក់ការរដ្ឋបាលព្រៃឈើឈ្មោះ ស្មៀន សារ៉េត ជាអ្នកគ្រប់គ្រង ស្ថិតនៅឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ លោកមើលអត់ឃើញឬអ្នកដឹកជញ្ជូនឈើចេះបំបាំងកាយ?។
ប្រភពបន្តទៀតថា បើយោងតាមការរៀបរាប់ពីអ្នករកស៊ីដឹកជញ្ជូនឈើតាមគោយន្ត បានប្រាប់ប្រភពអោយដឹង ការដែរដឹកជញ្ជូនឈើចេញទៅបានដោយពូកគាត់តម្រូវបង់ឲ្យកម្លាំងជំនាញរដ្ឋបាលព្រៃឈើផ្លោចចំនួន ១៥ ម៉ឺនរៀល ក្នុងមួយគោយន្ត បើមិនបងឲ្យទេគឺមិនឲ្យដឹងចេញទេ។
សូមបញ្ជាក់ថា នេះគ្រាន់តែជាការលើកឡើងពីប្រភពប្រជាពលរដ្ឋ ដែលលោកតែងតែរងចាំមើលចំណាត់ការរបស់សមត្ថកិច្ចពាក់ពន្ធ័ចុះបង្ក្រាបបទល្មើសព្រៃឈើដែលជាសម្បត្តិរដ្ឋប៉ុណ្ណុះ។(នៅមានត)
ជុំវិញការចុះផ្សាយខាងលើអង្គភាពសារព័ត៌មានយើងខ្ញុំ នឹងរងចាំការស្រាយបំភ្លឺ ពីសំណាក់សមត្ថកិច្ចពាក់ពន្ធ័ រៀងរាល់ម៉ោងធ្វើការ។ សូមអរគុណ!
