វិនាសកម្មព្រៃឈើដែនជម្រកសត្វភ្នំឱរ៉ាល់កាន់តែខិតជិត រលាយជាស្ថាពរហើយបើ សមត្ថកិច្ចមូលដ្ឋានពាក់ពន្ធ័ មិនអើពើធ្វើមិនដឹងមិនឮបែបនេះ..? (វគ្គ ១)

ខេត្តកំពង់ស្ពឺ÷ ពីមួយថ្ងៃទៅមួយថ្ងៃគេសង្កេតឃើញថាបទល្មើសដឹកជញ្ជូនឈើតាមគោយន្តយ៉ាងពេញបន្ទុករីករាលដាលនៅក្នុង ស្រុកឱរ៉ាល់ ខេត្តកំពង់ស្ពឺ ហាក់បីបានកំពុងធ្វើចរាចរណ៍យ៉ាងគគ្រឹកគគ្រេងនៅពេលយប់ៗនិងថ្ងៃ ដោយគ្មានការទប់ស្កាត់ពីសមត្ថកិច្ចជំនាញឬកងកម្លាំងប្រដាប់អាវុធពាក់ព័ន្ធក្នុងភូមិសាស្ត្រដែលខ្លួនកំពុងគ្រប់គ្រងទេ។

គួរំលឹកថាក្រុមរកស៊ីដឹកជញ្ជូនឈើល្មើសច្បាប់ចេញពី
ដែនជម្រកសត្វព្រៃភ្នំឱរ៉ាល់ រួចដឹកឆ្លងកាត់ស្នាក់ការរដ្ធបាលព្រៃឈើផ្លោចដែលមានប្រធានស្នាក់ការឈ្មោះ ស្មៀន សារ៉េត ជាអ្នកគ្រប់គ្រង ស្ថិតនៅឃុំត្រពាំងជោ ស្រុកឱរ៉ាល់  ខេត្តកំពង់ស្ពឺ បន្តឆ្ពោះទៅស្រុកថ្ពង តាមបណ្ដោយផ្លូវជាតិលេខ ៤៤ យកទៅលក់ចែកចាយដោយរលូនគ្មានឃើញការទប់ស្កាត់ឬបង្ក្រាបនោះឡើយ។

បើយោងតាមការរៀបរាប់ពីប្រភព អ្នករកស៊ីដឹកជញ្ជូនឈើតាមគោយន្ត កាលពីយប់ថ្ងៃទី៧ ខែមេសា ឆ្នាំ២០២២ បានឲ្យអង្គភាពសារព័ត៌មានយើងដឹងថា ការដែរដឹកជញ្ជូនឈើចេញទៅបាន ពូកគាត់តម្រូវបង់ឲ្យកម្លាំងជំនាញរដ្ឋបាលព្រៃឈើផ្លោចចំនួន ១៥ ម៉ឺនរៀល ក្នុងមួយគោយន្ត បើមិនបងឲ្យទេគឺមិនឲ្យដឹងចេញទេ? បើហ៊ានដឹកចេញ ច្បាស់ជាត្រូវនឹងដំបងទ្រមេឃរបស់លោកតាស៊ុនជាក់ជាពុំខាន។

តែនេះគ្រាន់តែជាការលើកឡើងពីប្រភប អ្នករកស៊ីដឹកឈើតាមគោយន្តតែប៉ុណ្ណោះ។

ជុំវិញព័ត៌មានពីប្រភពបានលើកឡើងខាងលើនោះ តើជាការពិតដែរឬទេ.? ដើម្បីបញ្ចៀសនូវការ ភាន់ច្រឡំ ឬជាព័ត៌មានក្លែងក្លាយណាមួយនោះ.! អង្គភាពសារព័ត៌មានយើង ស្នើសុំឲ្យមានការបកស្រាយពីកម្លាំងជំនាញរដ្ឋបាលព្រៃឈើផ្លោចឬមន្ត្រីជំនាញពាក់ព័ន្ធ ដែលសារព័ត៌មានយើងគ្មានគោលបំណងធ្វើឲ្យប៉ះពាល់ដល់កម្លាំងជំនាញរដ្ឋបាលព្រៃឈើ នឹងមន្ត្រីជំនាញពាក់ព័ន្ធ,ឬបុគ្គលណាម្នាក់នោះឡើយក្រៅពីរផ្សព្វផ្សាយជាព័ត៌មានពិតជូនថ្នាក់ដឹកនាំលោកបានជ្រាប តែប៉ុណ្ណោះអង្គភាពសារព័ត៌មានយើងសូមស្វាគមន៍ រង់ចាំទទួលការបកស្រាយពីរកម្លាំងជំនាញរដ្ឋបាលព្រៃឈើនឹងមន្ត្រីជំនាញពាក់ព័ន្ធនៅរៀងរាល់ម៉ោងធ្វើការ ដោយយោងច្បាប់ស្ដីពីរបបសារព័ត៌មានសូមអគុណ។ មាន-ត