ឯកឧត្តម ខៀវ កាញារីទ្ធ អនុញ្ញាតឱ្យក្រុមការងារនាយកដ្ឋានព័ត៌មានវិទ្យុក្នុង និងក្រៅប្រទេស នៃអគ្គនាយករដ្ឋានវិទ្យុជាតិកម្ពុជា ចូលជួបសម្តែងការគួរសម

ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន អនុញ្ញាតឱ្យក្រុមការងារនាយកដ្ឋានព័ត៌មានវិទ្យុក្នុង និងក្រៅប្រទេស នៃអគ្គនាយករដ្ឋានវិទ្យុជាតិកម្ពុជា ចូលជួបសម្តែងការគួរសម និងអបអរសាទរ ក្នុងឱកាសដែលឯកឧត្តមរដ្ឋមន្ត្រី ទទួលបានសញ្ញាបត្រ បណ្ឌិតកិត្តិយស គរុកោសល្យសារព័ត៌មាន មនុស្សសាស្ត្រ និងសង្គមសាស្ត្រ ពីសកលវិទ្យាល័យ រ៉ាច្ចមុងឃុន តិចណូឡូជី ប្រាណាខន (Rajamangala University of Technology Phra Nakhon – RMUTP) ព្រមទាំងជូនផ្កាផលិតពីសម្បកពោតដែលគេបោះចោលមកច្នៃចេញជាផ្កាយ៉ាងស្រស់ស្អាត សម្រាប់តាំងលម្អទុកជាវត្ថុអនុស្សាវរីយ៍ នៅទីស្តីការក្រសួង រាជធានីភ្នំពេញ នាព្រឹកថ្ងៃទី១៥ ខែមីនា ឆ្នាំ២០២២។