មន្រ្តីជាន់ខ្ពស់ក្រសួង សុខាភិបាល បានអំពាវនាវប្រជាពលរដ្ឋត្រូវបង្កើនការប្រុងប្រយ័ត្នបន្ថែមទៀតចំពោះជំងឺផ្តាសាយបក្សី ប្រភេទ A/H9 (Influenza A/H9) ខណៈមេរោគនេះបានកើតទៅលើទារិកាអាយុ ១ឆ្នាំ ១ខែ ដោយមានរោគសញ្ញាគ្រុនក្តៅ ក្អក និងពិបាកដក ដង្ហើម។
អ្នកយកព័ត៌មានយើងធ្វើសេចក្តីរាយការណ៍បន្ថែម ថ្លែងក្នុងកិច្ចសម្ភាសន៍ជា មួយអ្នកសារព័ត៌មាន លោក ជំទាវ ឱ វណ្ណឌីន រដ្ឋលេខាធិ ការ និងជាអ្នកនាំពាក្យរបស់ ក្រសួងសុខាភិបាលបានឱ្យដឹងថា ទារិកាអាយុ ១ឆ្នាំ ដែលបានរកឃើញជំងឺផ្តា សាយបក្សី ប្រភេទ A/H9 រស់នៅក្នុងភូមិត្រពាំងរុន ឃុំឫស្សីលក ស្រុកជីក្រែង ខេត្ត សៀមរាប និងបានទទួលការព្យាបាលនៅមន្ទីរពេទ្យកុមារអង្គរ ខេត្តសៀមរាប ។
លោកជំទាវបន្ថែមថា នេះគឺជាប្រភេទជំងឺមួយទៀត ដែលលក្ខណៈកម្រកើតមាន ហើយក្រសួងសុខាភិបាលកន្លងមកនេះ ក៏ធ្លាប់ធ្វើការអំពាវនាវហើយអំពាវនាវទៀត ពីព្រោះជំងឺដែលឆ្លងពីសត្វបក្សីនេះ ក៏ជាជំងឺមួយនៅក្នុងចង្កោម ពពួកH5N1ផងដែរ។ ហើយជំងឺ A/H9នេះ មានភាពប្រហាក់ប្រហែលគ្នាជាមួយ នឹងជំងឺH5N1ដែលហៅថាជំងឺផ្ដាសាយបក្សី។
លោកជំទាវបន្តថា ករណីដែលកើតឡើងនៅខេត្ត សៀម រាបនៅស្រុកជីក្រែងនេះ ក្រុម ការងាររបស់ក្រសួងសុខាភិ បាល ជាពិសេសគឺក្រុមការងា រស្រាវជ្រាវរបស់មន្ទីរសុខាភិ បាលខេត្តសៀមរាប ក៏បានចុះទៅភ្លាមៗ ដើម្បីស្រាវជ្រាវមើលហេតុការណ៍នៅទីនោះ ប៉ុន្តែជារួមរហូតមកដល់ពេល នេះ ពុំទាន់រកឃើញជំងឺនេះលើអ្នកផ្សេងនោះទេ។
លោក ជំទាវបញ្ជាក់ថា ជំងឺផ្តាសាយបក្សីប្រភេទ A/H9 (Influenza A/H9)នេះ មានរោគសញ្ញាប្រហាក់ប្រហែលទៅនឹងជំងឺផ្ដាសាយ បក្សី H5N1 នឹងជំងឺកូវីដ១៩ ដូចជាក្តៅខ្លួន ក្អក ឈឺក ហត់និងពិបាកដកដង្ហើម។
ដូចនេះ លោកជំទាវអំពាវនាវប្រជា ពលរដ្ឋទាំងអស់ត្រូវបង្កើនការប្រុងប្រយ័ត្នបន្ថែមទៀត ចំពោះជំងឺផ្តាសាយបក្សីប្រភេទ A/H9 ខណៈដែលបច្ចុប្បន្ននេះ ករណីកូវីដ១៩ កំពុងរីករាលដាលនៅក្នុងសហគមន៍ទៅហើយ។ ប្រជាពលរដ្ឋ មិនត្រូវទទួល ទានសត្វបក្សីឈឺ ឬងាប់ និងរាល់បសុបក្សីសម្រាប់បរិភាគ ត្រូវចម្អិនឱ្យបានឆ្អិនល្អ, ត្រូវលាងដៃឱ្យបានញឹកញាប់ ជាមួយសាប៊ូ និងទឹកមុនពេលបរិភោគ និងបន្ទាប់ប៉ះពាល់ផ្ទាល់ជាមួយបសុបក្សី។
សំឡេង៖« អ៊ីចឹងវិធានការដើម្បីការពារទាំងជំងឺផ្ដាសាយ បក្សី ទាំងជំងឺកូវីដ១៩ដូចគ្នា ប្រសិនបើបងប្អូនអនុវត្តបាននូវវិធានការការពារនូវជំងឺនេះបានគឺល្អ។
មួយទៀតសូមកុំលេងជាមួយសត្វបក្សីដូចជា មាន់ ទា។ ហើយអ្នកដែលប្រកបរបររកស៊ីជាមួយសត្វបក្សីត្រូវចេះអនាម័យខ្លួន មានន័យថាប្រសិនបើធ្វើមាន់ត្រូវលាងដៃជាមួយសាប៊ូ ហើយក្នុងរយៈពេលធ្វើ គឺត្រូវធ្វើឱ្យលឿន ហើយចៀសវាងដៃរបស់យើង នៅពេលដែលបោចរោម កុំយកដៃនេះ មកប៉ះច្រមុះឬមុខមាត់។
ប៉ុន្តែសម្រាប់បុគ្គលដែលមិនមាន ភារកិច្ចអី សូមកុំទៅកាន់កន្លែងដែលមានសត្វច្រើន ដូចជាកសិដ្ឋាន ជាពិសេសកូនចៅមិនត្រូវឱ្យពូកគាត់ ចូលទៅនោះទេ ព្រោះនេះវាជាលក្ខណៈមួយ ដែលធ្វើឱ្យមាន ការចម្លង នូវវីរុសណាមួយ ពីព្រោះសត្វក៏មានជំងឺដែរ ហើយសត្វនេះគឺមានជំងឺច្រើនណាស់។
ហើយភាគ ច្រើនមនុស្សឈឺគឺដោយសារឆ្លងពីសត្វ ដោយឥឡូវនេះយើងឃើញហើយថា គឺភាគ ច្រើនគឺឆ្លងពីសត្វ ដូចនេះគឺជាការចាំបាច់នៅពេលដែលបរិភោគចំណីអាហារត្រូវតែចម្អិនឱ្យឆ្អិនល្អ ចៀសវាងយើងប្រើប្រាស់នូវសាច់ណាដែលមិនស្អាត ហើយនៅ ពេលលាង ត្រូវដាក់សាច់និងបន្លែឱ្យនៅដាច់ឆ្ងាយពីគ្នា។»
បើយោងតាមនាយកដ្ឋានប្រយុទ្ធនឹងជំងឺឆ្លង (CDC) បានឱ្យដឹងថា ទីតាំងទារិកាដែលរស់នៅក្នុងភូមិនោះ មានមាន់ងាប់ជាបន្តបន្ទាប់ ចាប់ តាំងពីខែកុម្ភ: ឆ្នាំ ២០២២ មក ហើយតាមរយៈលទ្ធផលបញ្ជាក់ដោយមន្ទីរពិសោធន៍ ថ្នាក់ជាតិនៅថ្ងៃទី ១០ ខែ មីនា ឆ្នាំ ២០២២ បញ្ជាក់ថា វិជ្ជមាន Influenza A/H9។ ក្រោយរកឃើញនេះ ក្រសួង សុខាភិបាល បានបញ្ជូនមន្ត្រីនាយកដ្ឋានប្រយុទ្ធជំងឺឆ្លង សហការជាមួយមន្ត្រីក្រុមឆ្លើយតបបន្ទាន់ខេត្ត ចុះអង្កេតស្រាវជ្រាវ បង្ការ និងទប់ស្កាត់ការរាតត្បាត និងអប់រំសុខ ភាពដល់ប្រជាជននៅមូល ដ្ឋាន។
ហើយក្នុងករណីមាន ការសង្ស័យថា មានជំងឺផ្តា សាយបក្សី សូមផ្តល់ព័ត៌មានដល់ពេទ្យសត្វ និងសហការគ្នាឆ្លើយតបនៅមូលដ្ឋាន ឬអាចទាក់ទងព័ត៌មានបន្ថែមលេខ ១១៥៕
