- នារសៀលថ្ងៃ អង្គារ ១រោច ខែបុស្ស ឆ្នាំឆ្លូវ ត្រីសក័ ពុទ្ធសរាជ ២៥៦៥ ត្រូវនឹងថ្ងៃទី១៨ ខែមករា ឆ្នាំ២០២២
ឯកឧត្ដម គន់ សុភា អភិបាលរងខេត្តត្បូងឃ្មុំ បានដឹកនាំក្រុមការងារថ្នាក់ខេត្ត ចុះពិនិត្យទប់ស្កាត់ការទន្ទ្រានដីតំបន់អភិរក្សបឹងប្រាក់ ស្ថិតនៅក្នុងភូមិអង្គរក្នុង ឃុំដូនតី ស្រុកពញាក្រែក ខេត្តត្បូងឃ្មុំ ។
ក្នុងនោះ ក៏មានការអញ្ជើញចូលរួមពី ប្រធានមន្ទីរពាក់ព័ន្ធជុំវិញខេត្ត អភិបាលស្រុក អាជ្ញាធរមូលដ្ឋាន និងប្រជាពលរដ្ឋជាច្រើនរូបទៀត។
ថ្លែងនាឱកាសនោះ ឯកឧត្ដម គន់ សុភា អភិបាលរងខេត្តត្បូងឃ្មុំ បានឲ្យដឹងថា ៖ បឹងប្រាក់នេះ ពិតជាមានសារសំខាន់ណាស់ ដែលត្រូវធ្វើការអភិរក្ស សម្រាប់បង្កើតជាតំបន់ទេសចរណ៍ធម្មជាតិ ក្នុងខេត្តត្បូងឃ្មុំ និងត្រូវទប់ស្កាត់ការទន្ទ្រាន់កាន់កាប់ដោយខុសច្បាប់។
ឯកឧត្តម បានផ្ដាំផ្ញើដល់អាជ្ញាធរមូលដ្ឋាន ត្រូវធ្វើសម្រង់ឈ្មោះប្រជាពលរដ្ឋដែលមានដីពាក់ព័ន្ធដើម្បីធ្វើការអប់រំផ្សព្វផ្សាយដល់ពួគគាត់ ដែលមានដីពាក់ព័ន្ធជុំវិញបឹងប្រាក់ចំនួន២៤គ្រួសារ អោយយល់ដឹងក្នុងការថែរក្សាការពារតំបន់ដល់ស្រសត្រកាលនេះ អោយក្លាយជាតំបន់ទាក់ទាញ់ទេសចរណ៍ជាតិនិងអន្តរជាតិ មកលេងកម្សាន្តនៅតំបន់ប្រវត្តិសាស្រ្តមួយនេះ។
ឯកឧត្តម អភិបាលរងខេត្ត បានណែនាំអោយអាជ្ញាធរមូលដ្ឋាន ត្រូវសហការជាមួយមន្ទីរវប្បធម៌ខេត្ត និងមន្ទីរពាក់ព័ន្ធដទៃទៀត ក្នុងចុះកំណត់យកចំណីបឹងចំនួន៣០ម៉ែត្រជុំវិញតំបន់ប្រវត្តិសាស្រ្ត និងកំណត់និងបោះបង្គោលព្រុំបឹងប្រាក់ឲ្យបានច្បាស់លាស់ សម្រាប់ធ្វើការអភិរក្សនិងរៀបចំអោយក្លាយទៅជាតំបន់ទេសចរណ៍នាពេលខាងមុខផងដែរ៕
