ប្រទេសឥណ្ឌូណេស៊ីផ្តល់អាជ្ញាប័ណ្ណដល់វ៉ាក់សាំងចំនួន ៥ សម្រាប់ការចាក់ដូសជំរុញ

ប្រទេសឥណ្ឌូណេស៊ីបានផ្តល់អាជ្ញាប័ណ្ណដល់វ៉ាក់សាំងចំនួន ៥ប្រភេទសម្រាប់ប្រើប្រាស់នៅក្នុងកម្មវិធីចាក់វ៉ាក់សាំងដូសជំរុញនៅក្នុងមូលដ្ឋានរបស់ខ្លួន។

ទីភ្នាក់ងារត្រួតពិនិត្យឱសថ និងចំណីអាហារជាតិរបស់ប្រទេសឥណ្ឌូណេស៊ី (BPOM) បានចេញការអនុញ្ញាតការប្រើប្រាស់ជាបន្ទាន់ (EUA) សម្រាប់ផលិតផលវ៉ាក់សាំងការពារជំងឺកូវីដ-១៩ ចំនួន ៥ប្រភេទដែលត្រូវប្រើប្រាស់សម្រាប់ការចាក់ដូសជំរុញ។

វ៉ាក់សាំងទាំងនោះរួមមាន វ៉ាក់សាំង CoronaVac ដែលផលិតដោយក្រុមហ៊ុនផលិតវ៉ាក់សាំងរបស់រដ្ឋ PT Bio Farma វ៉ាក់សាំង Pfizer វ៉ាក់សាំង AstraZeneca វ៉ាក់សាំង Moderna និងវ៉ាក់សាំង Zifivax ។

ប្រទេសឥណ្ឌូណេស៊ីត្រូវបានគេរំពឹងថានឹងចាប់ផ្តើមកម្មវិធីចាក់វ៉ាក់សាំងការពារជំងឺកូវីដ-១៩ ដូសជំរុញនៅថ្ងៃទី១២ ខែមករានេះ។ យោងតាមរដ្ឋមន្ត្រីក្រសួងសុខាភិបាលសុខាភិបាល លោក Budi Gunadi Sadikinបានឱ្យដឹងថា យ៉ាងហោចណាស់ស្រុក/ក្រុងចំនួន ២៤៤ បានបំពេញតាមលក្ខណៈវិនិច្ឆ័យគ្រប់គ្រាន់ដើម្បីក្លាយជាអ្នកចូលរួមនៅក្នុងកម្មវិធីនេះ៕