ភ្នំពេញ៖ថ្ងៃសៅរ៍ ១៤កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែឧសភា ឆ្នាំ២០២៦ ជាបន្តបន្ទាប់ ក្រោមការដឹកនាំ និងបញ្ជាផ្ទាល់ពី លោក សេង គន្ធ អភិបាលខណ្ឌមានជ័យ និងជាប្រធានគណៈបញ្ជាការឯកភាពរដ្ឋបាលខណ្ឌមានជ័យ អនុវត្តតាមបទបញ្ជារបស់ ឯកឧត្ដម ឃួង អភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ បានដឹកនាំកម្លាំងសមត្ថកិច្ចចម្រុះ រួមមាន ៖
-គណៈអភិបាលខណ្ឌ
-អធិការដ្ឋាននគរបាលខណ្ឌ
-កងរាជអាវុធហត្ថខណ្ឌ
-ការិយាល័យគ្រប់គ្រងជនបរទេស
-ការិយាល័យស៊ើបអង្កេតនិងអនុវត្តនីតិវិធី
-មន្រីរដ្ឋបាលខណ្ឌ , សង្កាត់។
ក្នុងការបន្តចុះធ្វើរដ្ឋបាលត្រួតពិនិត្យ ទីតាំងចំនួន៣ ដែលសង្ស័យពាក់ព័ន្ធនឹងការលួចបង្កប់សកម្មភាពបទល្មើសបច្ចេកវិទ្យា (Online Scams)រួមមាន៖
១/ខុនដូ ម៉ារីថាម ផ្ទះលេខ ផ្លូវ 60ម៉ែត្រ ភូមិ តាគង់ ចាក់លើ មានកម្ពស់ 23ជាន់ ជាវាល ( Hall ) មានជនបរទេសស្នាក់នៅ
1-ចិន 05នាក់ ស្រី 01នាក់ មាន 01សញ្ជាតិ
២/សណ្ឋាគារ អាយលី ឈិញសី ផ្ទះលេខ ផ្លូវលេខ 60ម៉ែត្រ ភូមិ តាឡុង1 ចាក់ក្រោម មានកម្ពស់ 3ជាន់ ។ នៅជាន់ទី3 មាន 56បន្ទប់ ហើយ ជាន់ទី1 ,ជាន់ទី2 ជាការិយាល័យ និង ហាងលក់ទំនិញចំរុះ មានជនបរទេសស្នាក់នៅ
1-ចិន 25នាក់ ស្រី 04នាក់
2-វៀតណាម 01នាក់ ស្រី 01នាក់
3-មីយ៉ាន់ម៉ា 01នាក់ ស្រី00 សរុប 27 ស្រី 05 មាន 03សញ្ជាតិ។
៣/ខុនដូ និង សណ្ឋាគារ VERSAILES SQUARE ផ្ទះលេខ ផ្លូវលេខ 60ម៉ែត្រ ភូមិ តានូ ចាក់លើ មានកម្ពស់ 29ជាន់ ពីជាន់ទី13ដល់ជាន់ទី29 មាន 340បន្ទប់ ចាប់ពីជាន់ទី2ដល់ជាន់ទី12 មាន 100បន្ទប់ជាការិយាល័យធ្វើការ សរុប 440បន្ទប់ មានជនបរទេសស្នាក់នៅ
1-ចិន 35នាក់ ស្រី 05នាក់
2-តៃវ៉ាន់ 12នាក់ ស្រី 05នាក់
3-ហ្វីលីពីន 02នាក់ ស្រី 02នាក់
4-ម៉ាឡេស៊ី 01នាក់ ស្រី 01នាក់ សរុប 50 ស្រី 14 មាន 04សញ្ជាតិ
+ សរុបបានចំនួន ០៣ ទីតាំង មានជនបរទេសសរុប ៨២ នាក់ ស្រី ២០ នាក់ មាន ០៧ សញ្ជាតិ ។ ជនបរទេសមានឯកសារត្រឹមត្រូវចំនួន ៧៩នាក់ ឯជនបរទេស០៣នាក់ទៀតពុំមានឯកសារត្រឹមត្រូវ និងពុំមាន Scam Onlineទេ ។ ចំពោះជនបរទេសមកស្នាក់នៅចំនួន 03នាក់ ពុំមានឯកសារត្រឹមត្រូវ បានបញ្ជូនទៅស្នងការរាជធានីភ្នំពេញ ដើម្បីបន្តនីតិវិធី រួមមាន៖
១/ ជនជាតិចិន០២នាក់ ស្រី០នាក់
២/ ជនជាតិមីយ៉ាន់ម៉ា ០១នាក់ ស្រី០នាក់។
ដោយឡែកអធិការដ្ឋាននគរបាលខណ្ឌមានជ័យបានរៀបចំលិខិតផាកពិន័យដល់ម្ចាស់ទីតាំងសណ្ឋាគារអាយលី រួចរាល់៕
