ព្រះវិហារ៖ថ្ងៃអង្គារ ១៣កើត ខែចេត្រ ឆ្នាំម្សាញ់ សប្ភស័ក ព.ស២៥៦៩ ត្រូវនឹងថ្ងៃទី៣១ ខែមីនា ឆ្នាំ២០២៦ ក្រុមការងារនៃមន្ទីរសាធារណការ និងដឹកជញ្ជូនខេត្តព្រះវិហារ ចំនួន ០៤រូប បានសហការជាមួយនគរបាលចរាចរណ៍ស្រុកត្បែងមានជ័យ និងអាជ្ញាធរស្រុក ចុះអនុវត្តសកម្មភាពផ្សព្វផ្សាយច្បាប់ស្តីពីចរាចរណ៍ផ្លូវគោក ជូនដល់ប្រជាពលរដ្ឋ ដែលជាអ្នកបើកបរគោយន្តកន្ត្រៃ ចំនួន ៥៣នាក់ ក្នុងគោលបំណងលើកកម្ពស់ការយល់ដឹងអំពីច្បាប់ចរាចរណ៍ និងបង្កើនសុវត្ថិភាពក្នុងការប្រើប្រាស់ផ្លូវរបស់ប្រជាពលរដ្ឋ ឱ្យកាន់តែប្រសើរឡើង។
សកម្មភាពនេះ ក្រុមការងារបានធ្វើការបិទស្ទីកឃ័រចំណាំងផ្លាតលើគោយន្តកន្ត្រៃ ចំនួន ៥៣គ្រឿង ដើម្បីបង្កើនសុវត្ថិភាពក្នុងការធ្វើចរាចរណ៍ ពិសេសនៅពេលយប់។
ជាមួយគ្នានេះផងដែរ ក្រុមការងារក៏បានចែកចាយឯកសារផ្សព្វផ្សាយដល់ប្រជាពលរដ្ឋ រួមមាន៖
សៀវភៅច្បាប់ស្តីពីចរាចរណ៍ផ្លូវគោក ចំនួន ២០ក្បាល
សៀវភៅ «អ្វីដែលអ្នកបើកបរទោចក្រយានយន្តត្រូវយល់ដឹង» ចំនួន ១០០ក្បាល
ខិត្តប័ណ្ណ «អ្វីដែលអ្នកបើកបរត្រូវយល់ដឹង» ចំនួន ១០០សន្លឹក
ផ្ទាំងរូបភាពសញ្ញាចរាចរណ៍សំខាន់ៗ ចំនួន ១០សន្លឹក
ផ្ទាំងរូបភាពកំណត់ទំហំទ្រុងរថយន្ត និងទំហំផ្ទុក ចំនួន ១០សន្លឹក
ផ្ទាំងរូបភាពសម្រាប់អ្នកថ្មើរជើង ចំនួន ១០សន្លឹក
ផ្ទាំងរូបភាពការចតរថយន្តនៅទីក្រុង ឬទីប្រជុំជន ចំនួន ១០សន្លឹក
ផ្ទាំងរូបភាពសញ្ញាសិទ្ធិអាទិភាពនៅត្រង់ផ្លូវប្រសព្វ ចំនួន ១០សន្លឹក
ស្ទីកឃ័រ «ថ្ងៃនេះ ថ្ងៃស្អែក កុំឱ្យមានគ្រោះថ្នាក់ចរាចរណ៍» ចំនួន ១០សន្លឹក
ស្ទីកឃ័រចំណាំងផ្លាត (ពណ៌ក្រហម) ចំនួន ៨០០សន្លឹក
ប្រតិទិនស្តីពីផ្លាកសញ្ញាចរាចរណ៍ ចំនួន ០២ក្បាល់៕ដោយលោក ខៀវ ផល្លា
