ព្រះវិហារ៖ ដីព្រៃឡង់រាប់រយហិចតាត្រូវបានមេឈ្មួញ ដាក់គ្រឿងចាក់ឈូសឆាយនឹងកាប់ទន្រ្ទានយកធ្វើជាកម្មសិទ្ធិ បើយោងតាមប្រភពពីប្រជាពលរដ្ឋបានឲ្យដឹងថាដីព្រៃឡង់មួយកន្លែងស្ថិតនៅភូមិសាស្រ្តវាលព្រិចស្ថិតនៅក្នុងភូមិអូតាហុងឃុំឆែបមួយស្រុកឆែបខេត្តព្រះវិហារ រាប់រយហិចតាត្រូវបានមេឈ្មួញមានលុយមានអំណាចដែលគេដឹងថាឈ្មោះមាន់ សុខន រស់នៅឯខេត្តត្បូងឃ្មុំកំពុងធ្វើការឈូសឆាយនិងកាប់រុករានទន្ទ្រានដីជាច្រើនរយហិចតានិងកំពុងតែដាំស្វាយចន្ទីលើទីតាំងដីព្រៃឡង់នោះតែម្ដង កន្លងមកក្រុមអ្នកសារព័ត៌មានយើងជាច្រើនអង្គភាពបានចុះទៅដល់ទីតាំងដីខាងលើនោះកំពុងតែធ្វើការកាត់ទន្ទ្រាននិងឈូសឆាយយកធ្វើជាកម្មសិទ្ធិផ្ទាល់ខ្លួនពេលនោះក៏ក្រុមអ្នកសារព័ត៌មានបានធ្វើសេចក្តីការរាយការណ៍ខាងលើនេះជូនមន្ត្រីបរិស្ថានដើម្បីមានវិធានការទប់ស្កាត់ តែហាក់បីដូចជាគ្មានវិធានការអ្វីសោះឡើយប្រជាពលរដ្ឋបានដាក់ការសង្ស័យថាមានការបើកភ្លើងខៀវពីមន្ត្រីជំនាញ។
ព្រោះកន្លងទៅថ្មីៗអង្គភាពយើងក៏បានទទួលពីប្រភពព័ត៌មានពីប្រជាពលរដ្ឋថាមានត្រាក់ទ័រ 2 គ្រឿងម៉ាកចនឌៀពណ៌ខៀវកំពុងតែភ្ជួរនិងឈូសឆាយលើទីតាំងដីខាងលើនេះ នៅថ្ងៃទី 19 ខែមករាឆ្នាំ 2026 ក្រុមអ្នកសារព័ត៌មានយើងមានគ្នា7 អង្គភាពបានចុះទៅដល់ទីតាំងដីខាងលើក៏ឃើញមានការឈូសឆាយនិងដាំស្វាយចន្ទីនៅលើទីតាំងដីនេះពិតប្រាកដមែន។
នេះបញ្ជាក់ថាលោក មាន់ សុខន មិនខ្លាចញញឹតនិងច្បាប់សោះឡើយ ឬមួយក៏មានអាថ៌កំបាំងអ្វីនៅពីក្រោយករណីខាងលើនេះអង្គភាពយើងក៏មិនអាចដឹងច្បាស់ដែរ។
ពាក់ព័ន្ធនឹងករណីខាងលើលោកមឿន សុភេទប្រធានមន្ទីរបរិស្ថានខេត្តព្រះវិហារបានឲ្យដឹងថា ពាក់ព័ន្ធទីតាំងដីខាងលើមន្ត្រីរបស់លោកក៏បានចុះទៅដល់ទីតាំងនោះម្ដងរួចមកហើយ និងបានធ្វើសំណុំរឿងបញ្ជូនទៅតុលាការដើម្បីមានវិធានការផ្លូវច្បាប់។
ចំណែកឯ លោក មាន់ សុខន ដែលគេល្បីថាជាអធិរាជ្យទន្ទ្រានដីព្រៃឡង់ធ្វើជាកម្មសិទ្ធិ អង្គភាពយើងមិនអាចសុំការបំភ្លឺបាននោះទេព្រោះទាក់ទងតាមរយៈលេខទូរសព្ទដែលប្រជាពលរដ្ឋបានផ្ដល់ឲ្យលោកថាលោកមិនមែនឈ្មោះ មាន់ សុខន នោះទេគឺទេច្រឡំលេខហើយ អង្គភាពយើងនិងបងប្អូនប្រជាពលរដ្ឋជាច្រើននាក់ទៀតរង់ចាំមើលវិធានការរបស់មន្ត្រីជំនាញ់តើមានវិធានការយ៉ាងដូចម្ដេចចំពោះមេឈ្មួញដុះស្លែខ្លាំងខាងទន្ទ្រានដីព្រៃធ្វើជាកម្មសិទ្ធិម្នាក់នេះ។
តើហេតុអ្វីបានជាក្រុមឧក្រិដ្ឋជនបំផ្លាញព្រៃឈើឈូសឆាយកយដីព្រៃនោះអាចចូលទៅកាប់បំផ្លាញព្រៃឈើធំៗ នៅក្នុងដែនជម្រកសត្វព្រៃ ព្រៃទ្បង់បាន? ករណីនេះ សមត្តកិច្ចជំនាញពាក់ព័ន្ធមានតួនាទីបង្រ្កាបក៍ត្រូវបើកការសើបអង្គាត ស្រាវជ្រាវ នូវតម្រុយនោះដើម្បីទប់ស្កាត់ និងកាពារធនធានធម្មជាតិសត្វព្រៃដែលកំពុងរងនូវការបំផ្កាញបាត់បង់ដោយក្រុមឧក្រិដ្ឋជនដើម្បីរក្សាបានជាឧត្តប្រយោជន៍ជាតិជាធំ៕ដោយ ខៀវ ផល្លា ពីខេត្តព្រះវិហារ
