ប្រធានាធិបតីតួកគីព្រមានដល់បណ្តាប្រទេសដែលគាំទ្រអីុស្រាអែលប្រឆាំងនឹងការចូលរួមក្នុងឧក្រិដ្ឋកម្ម

ប្រធានាធិបតីតួកគី លោក រេសេប តាយយីប អឺដូហ្គែន បាននិយាយថា បណ្តាប្រទេសលោកខាងលិចដែលបានយកភាគីអ៊ីស្រាអែលទៅក្នុងជម្លោះរបស់ខ្លួនជាមួយប៉ាឡេស្ទីននោះ គួរតែជៀសវាងពីការចូលរួមក្នុងឧក្រិដ្ឋកម្មរបស់ខ្លួន ។

មេដឹកនាំតួកគីរូបនោះបាននិយាយទៅកាន់អ្នកសារព័ត៌មាននៅពេលដែលលោកវិលត្រឡប់មកពីប្រទេសអាល់ហ្សេរីវិញថា «មុនពេលអ្វីៗយឺតពេល រដ្ឋាភិបាលនៃបណ្តាប្រទេសដែលនៅខាងអ៊ីស្រាអែល គួរតែងាកទៅទៅរកខាងច្បាប់អន្តរជាតិ សិទ្ធិមនុស្ស សតិសម្បជញ្ញៈ និងសីលធម៌វិញ ហើយចៀសវាងការចូលរួមក្នុងឧក្រិដ្ឋកម្មទាំងនោះ។ យើងត្រូវចូលរួមជាមួយអ្នកដែលត្រូវគេជិះជាន់ ហើយជួយសង្គ្រោះពួកគេពីជំហានដែលអ្នកជិះជាន់កំពុងតែធ្វើ»។

លោក អឺដូហ្គែន បានកត់សម្គាល់ថា «យើងបាននិយាយអំពីការសម្លាប់រង្គាលជាច្រើនថ្ងៃមកហើយ សាធារណជនលោកខាងលិចមិនអាចទ្រាំទ្រនឹងការសាកល្បងនេះបានទេ ព្រោះវាជាផ្នែកខុសនៃប្រវត្តិសាស្ត្រ។ ការសម្លាប់រង្គាលនៅបូស្នៀ និងកូសូវ៉ូ ត្រូវបានព្រងើយកន្តើយ ហើយស្ងប់ស្ងាត់ និងមានភាពស្ងៀមស្ងាត់ដ៏អាម៉ាស់អំពីប្រទេសអ៊ីរ៉ាក់ និងស៊ីរី»។

យោងទៅតាមរូបលោក បានឱ្យដឹងថា ជម្លោះរវាងអ៊ីស្រាអែល និងប៉ាឡេស្ទីន គួរតែត្រូវបានមើលពីទស្សនៈរបស់មនុស្ស ហើយគ្មាននរណាម្នាក់គួរតែធ្វើឱ្យមានភាពខុសគ្នារវាងអ្នកកាន់សាសនាឥស្លាម សាសនាគ្រិស្ត និងសាសនាយូដានោះទេ ក៏ដូចជារវាងមនុស្សដែលមានប្រវត្តិជនជាតិផ្សេងៗផងដែរ»៕ដោយ៖ យា ចិន្តាខន្តី (ប្រភព៖ VNA) ផ្សាយដោយ៖ធូ កុសល