ក្រសួងរតនាគាររបស់សហរដ្ឋអាមេរិកបានបន្ថែមបញ្ជីទណ្ឌកម្មរបស់ខ្លួនជាមួយនឹងបុគ្គលរុស្សីចំនួន ៣៣នាក់ ក្រុមហ៊ុនរុស្ស៊ីចំនួន ២២ និងនាវាដែលមានទង់ជាតិរុស្ស៊ីចំនួន ៦៩គ្រឿងទៀត។
យោងតាមសេចក្តីប្រកាសព័ត៌មានដែលបានចេញផ្សាយកាលពីថ្ងៃអាទិត្យបានឱ្យដឹងថា ការដាក់ទណ្ឌកម្មនេះអនុវត្តចំពោះធនាគារឧស្សាហកម្មមូស្គូ និងក្រុមហ៊ុនបុត្រសម្ព័ន្ធចំនួនដប់របស់ខ្លួន គឺក្រុមហ៊ុន Agropromyshlenny Kompleks Voronezhski ក្រុមហ៊ុនជណ្តើរយន្ត Anninskii ក្រុមហ៊ុនសវនកម្ម Konsalt ក្រុមហ៊ុន Belinveststroi ក្រុមហ៊ុន Dve Stolitsy ក្រុមហ៊ុន Kontrakt ក្រុមហ៊ុន Ladoga ក្រុមហ៊ុន Nekommercheskaya Organizatsiya Fond Khimicheskoe Razoruzhenie I Konversiya ក្រុមហ៊ុន Azovskaya Zernovaya Kompaniya ក្រុមហ៊ុន Ekspluatiruyushchaya Kompaniya Tsentr។
ទណ្ឌកម្មទាំងនេះក៏នឹងត្រូវអនុវត្តផងដែរទៅលើប៉ុស្តិ៍ទូរទស្សន៍រដ្ឋចំនួនបីរបស់រុស្ស៊ី គឺទូរទស្សន៍ Channel One Russia ទូរទស្សន៍ Rossiya-1 និងទូរទស្សន៍ NTV។
ក្រៅពីនេះ បញ្ជីទណ្ឌកម្មនេះក៏រួមមាននាយកប្រតិបត្តិធនាគារ Sberbank ចំនួន ៨នាក់ និងនាយកប្រតិបត្តិធនាគារ Gazprombank ចំនួន ២៥នាក់។
ឯកសារនេះបាននិយាយថា «នាយកប្រតិបត្តិពីរនាក់នៃធនាគារ GPB គីលោក Andrey Igorevich Akimov (Akimov) និងលោក Alexey Borisovich Miller (Miller) ត្រូវបានបានដាក់ទណ្ឌកម្មកាលពីមុនផងដែរ គឺនៅថ្ងៃទី៦ ខែមេសា ឆ្នាំ២០១៨ ដោយអនុលោមតាម E.O. 13661 ហើយត្រូវបានដាក់ទណ្ឌកម្មឡើងវិញម្តងទៀតនៅថ្ងៃនេះ»។
ការដាក់ទណ្ឌកម្មនេះក៏ត្រូវបានអនុវត្តទៅលើក្រុមហ៊ុន Promtekhnologiya ដែលជាក្រុមហ៊ុនផលិតកាំភ្លើងក្រោមម៉ាកសញ្ញា ORSIS ផងដែរ។
យោងតាមក្រសួងរតនាគាររបស់សហរដ្ឋអាមេរិកបានឱ្យដឹងថា វាគឺជាក្រុមហ៊ុនការពារជាតិឯកជនដែលផ្គត់ផ្គង់ផលិតផលរបស់ខ្លួនដល់សេវាកម្មយោធា និងចារកម្មរបស់រុស្ស៊ី។ ឯកសារនេះបានអះអាងថា ក្រុមហុន Promtekhnologiya បានផ្សារភ្ជាប់ជាមួយនឹងរដ្ឋាភិបាលរុស្ស៊ីជាយូរមកហើយ។
យោងតាមបញ្ជីទណ្ឌកម្មនេះ មានក្រុមហ៊ុនរុស្ស៊ីចំនួនប្រាំបីទៀតដែលភ្ជាប់ជាមួយការរុករក ដែលរួមមានទាំងក្រុមហ៊ុន Oboronlogistika ដែលពាក់ព័ន្ធជាមួយក្រសួងការពារជាតិរបស់រុស្ស៊ី ក្រុមហ៊ុនដឹកជញ្ជូន Severnoye Morskoye Parokhodstvo និងក្រុមហ៊ុន Transmorflot ។
ការដាក់ទណ្ឌកម្មក៏ត្រូវបានដាក់ទៅលើនាវាចំនួន ៦៩គ្រឿងដែលជាកម្មសិទ្ធិរបស់ក្រុមហ៊ុនទាំងនោះផងដែរ៕ (ប្រភព TASS បកប្រែដោយលោក យា ចិន្តាខន្តី) 
